Martxoak 18an, Goierri Valley elkartea aurkeztu genuen Beasaingo Igartza Jauregian. Ekitaldia Lemniskata taldeak antolatu zuen.

Josean Guerrak, elkarteko presidente eta GH Cranes & Components enpresako ordezkariak, saio guztia dinamizatzeaz gain, Goierri Valley aurkeztuz ekitaldiari hasiera emateaz arduratu zen. Jarraian, Orkliko Axier Lekuonak, CAFeko Aitor Imazek, Calderería Mecanizada Aitzgorriko Eider Iztuetak eta Irizar Group-eko Joxean Etxebestek ordezkari diren enpresen aurkezpen labur baina interesgarri bat egin zuten.

Jardunaldiari amaiera emateko, mahai inguru bat gauzatu zen gaur egungo gai garrantzitsu batzuen inguruan debatea sortuz eta ordezkariek beraien iritziak helarazi zituzten. Azkenik, publikoak galderak egiteko aukera izan zuen.

Aretoa bete zen eta plazer bat izan zen gure elkartea bertaratu zirenen artean ezagutzera ematea. 

Elkarrekin Urrunago!

#GoierriValley