Jadanik pasa da hilabete t’erdi “Ilusión” proiektua martxan jarri genuenetik eta orduaz geroztik, Goierri Valley Elkarteko bazkideok elkarlanean dihardugu, elkarrengandik ikasi eta enpresetan ilusioa pizteko bidean.

Gaur burutu den saioan Proiektu Partekatua faktorearen inguruan egin dugu lanketa, bertan proiektu batek partekatua izateko bete behar dituen gakoak zeintzuk diren eta hauen inguruko hausnarketak egin ditugu, bertaratutako bazkideok esperientziak elkarbanatu ditugu eta hurrengo saioan proiektu partekatuaren oinarriak eraikitzeko lanketak burutzeko bidea ireki dugu.

Gaur beste behin OPE Consulores-ek gidatu du saioa, Ainhoa Zatarain Antolaketa Garapeneko Arduradunak hain zuzen ere. Martxoak 26an egingo dugun saioan berriz, SIDENOR enpresako Cruz Alberdi, Giza Baliabideetako arduraduna izango dugu Goierri bisitatzen, Azkoitiako plantan emandako kulturaren eraldaketaren beri eman eta bere esperientzia pertsonala zein izan den kontatzen, pertsonak proiektu partekatuko erdigune bilakatzerako garaian.