MUBIZING Kongresua bolo-bolo dabil aspaldi honetan Goierri Valley elkartean, eta ez da gutxiagorako, izan ere sekula egin ez den zerbait egitera goaz!

Bi sektore oso indartsu eta garrantzitsu darabilzkigu gure ahotan, energia eta mugikortasuna. Duela hilabete eskas Solaris Bus Ibérica-ko Kepa Mendikute-rekin antolatu genuen lehenengo ekintza, elektro mugikortasunaren hirietako erronkez hitz egiten. Ondoren, energiaren sektorera salto egin genuen HINE Group-eko Lander Guibelalde elkarrizketatuta.

Pasa den astean berriz, mugikortasunaren sektorera egin genuen salto, konkretuagoak izatearren, elektro-mugikortasunera. Joseba Plazaola, Irizar e-mobility enpresako Zuzendari Industriala izan genuen gurean, hau ere, elektro-mugikortasunak hirietan dituen erronkak azaltzera etorri zen eta honez gain euren produktu gama ere aurkeztu zigun.

Goierri bailaran eta Goierri Valley elkartean pribilegiatuak gara, hain leku txikian mugikortasunaren sektoreko bi enpresa hain garrantzitsu edukitzeagatik, eta are gehiago, hauek biek etorkizuna nola planteatzen duten entzun dezakegulako.

Ez ahaztu, Goierriko Mugikortasuna eta Energiaren sektoreak ezagutu nahi badituzu, zatoz MUBIZING Kongresura! Zure zain egongo gara!