Zazpigarren saio honekin amaitu dugu ERALDATUZ proiektuaren lehen fasea. Azken saio hau talde-meditazio baten bidez hasi dugu, gure gorputz-sentsazioekin, emozioekin eta pentsamenduekin lotzeko. Helburua: pilotu automatikoa itzaltzea eta hemen eta orain arreta jartzea, kontzientzia osoa landuz.

Izan ere, horrek bakea, buru-argitasuna eta sormen handiagoa ematen dizkigu. Arau batzuk errespetatu behar direla gogoratu genuen, hala nola ez epaitzea, gure gaitasunetan konfiantza izatea, errealitatea onartzea, etab. bide horretan laguntzen diguten ohiturak baitira.

Saio honetan, geure burua landu, barrura begiratu eta gure grina identifikatu eta harekin konektatzea izan dugu helburu. Pasioz bizitzea, zentzumen guztiak erabiliz bizitzea, geure errealitateaz jabetuz eta barne-osotasuna lortuz bizitzea da. Norberaren buruarekin konektatzea.

Gure bizitzari eta izateko arrazoiari buruz hausnartu ondoren, IKIGAI tresna aurkeztu ziguten In Groupeko Nieves eta Pilar lankideek. Tresna horren bidez, hausnarketa sakona egin genuen maite dugunari eta zoriontsu egiten gaituenari buruz, munduari, familiari edo gure lagunei zer eman diezaiekegun, zer egiteagatik ordain diezaguketen orain baita etorkizunean ere eta ondo ematen zaigunari buruz. Laburbilduz, bakoitzak bere autodiagnostikoa egin zuen IKIGAIren lau oinarrien arabera: grina, misioa, bokazioa eta lanbidea.

Ez dezagun ahaztu, azkenean, lidergoa eredua ematea dela, eta eraldatzailea izan dadin, nork bere burua ezagutzea eta bere buruarekin osoko bilkura sentitzea ezinbestekoa dela.

Guk dagoeneko pentsatu dugu horretaz. Eta zu? Zure ustez, zein dira bizitza osasuntsu eta zoriontsua bizitzeko sekretuak?