Azaroan ospatu da beste behin Goiekik, Goierriko Garapen Agentziak, antolatzen duen Enpresa Ekimen Berrien Sariketa.
Goierri bailaran ekintzailetza eta enpresa ekimen berrien sorrera bultzatzeko sortu zen sariketa hau, duela hogei eta lau urte eta urte guzti hauetan zehar hainbat enpresa eta ekintzaile saritu ondoren, aurtengoan ere eskualdeko enplegua eta aberastasuna sustatzen jarraitu dute.
Hona hemen XXIV. Ekitaldi honetan kontutan hartu diren hiru kategoriak:
- Enpresa Ekimen Berriko Proiektu onena. Sustatzailearen irudia bultzatu eta bailaran lana eta aberastasuna sortzea, proiektu berritzaile, sendo eta bideragarri baten bitartez.
- Enpresan Buruturiko Proiektu berritzaile onena. Eskualdeko enpresa txiki eta ertainetako produktu, prozesu, merkatu, antolakuntzan, etab. berrikuntza sustatu.
- Ekintzailetzaren bitartez gizarte inklusio proiektu onena. Lan munduan txertatzeko zailtasunak eta gizarte bazterkeria arriskuan dauden pertsonen ahaleginak balioztatu eta ekintzailetzaren bitartez lan munduan txertatzeko bultzakada eman.
Urtez-urte ekitaldi hau aurrera eramaten laguntzen duten enpresa eta erakunde babesleak daude eta horien artean hainbat dira Goierri Valley elkarteko bazkide. ARRI, CEG INNOVA, EDERFIL, GARABI, GOILASER, GUERRA HNOS., TALLERES JASO, BIOK ZERBITZUAK, IRIZAR, AMPO, ORKLI, GOILAN, HINE, NIPPON GASES, ARCELORMITTAL OLABERRIA, GOIERRI BEHEKO INDUSTRIALDEA eta TACTICCO dira eskualdeko enplegua eta aberastasuna sustatzen duten elkarteko enpresak Enpresa Ekimen Berrien Sariketaren bitartez.
Enpresan buruturiko proiektu berritzaile onenaren saria IRUKO BERRI, S.L. enpresarentzat izan da. IRUKO BERRI, S.L. enpresak, Goierri Valley-ko kideak, merkatu eta sektore dibertsifikazio prozesu sakon baten ondorioz bezero berrietara eta herrialde berrietara iritsi dira, negozio eredua zabalduz, eraikin modularren bitartez. Saria hau, 2.000€-ko txekea izan zen.
Ekitaldia Beasaingo Igartza Jauregian ospatu zen eta elkarteko kide den Eun Group enpresako Alberto Lorenzo ordezkariak egin zuen sarrera euren enpresaren esperientziak kontatuz parte hartzaile guztiei.
#GoierriValley
