Atzo arratsaldean Elkarteko enpresetako 40 ordezkari inguru eta elkartetik kanpoko gonbidatu batzuk etorri ziren Beasaingo Igartza jauregian antolatu genuen "Ilusión" proiektuaren lehenengo jardunaldira. Proiektu hau aurreko urtean egin zen Win&Win proiektuko ondorioetako bat da eta elkarteko enpresetan konpromezua eta proiektu ilusionagarriak bultzatzeko helburuarekin sortu zen.

 Jardunaldiaren helburua etorkizuneko lan lerroak lantzea izan zen, ondoren datozen sei jardunaldiekin batera, enpresen artean talentua bultzatuko duen sare bat sortzeko.

Atzokoa hausnarketarako eguna izan zen eta Lego jolasa erabiliz egin genuen Coach and Play-ren eskutik. Honez gain, Muxote Potolo Bat ere gurekin izan zen jardunaldia infografia batean islatzeko eta nola ez, OPE Consultores ere bai jardunaldia antolatzen.

Proiektu hau Gipuzkoako Foru Aldundiko Ekonomia Sustapeneko, Landa Inguruneko eta Lurralde Orekako Departamentuaren “Gipuzkoan, enpresetan pertsonen partaidetza sustatzeko programa”-k finantziatua izan da.

Eskerrik asko parte hartzera gerturatu zineten guztioi, zuek gabe ez zen posible izango!

Etorkizunerako prest?